Көкшетауда 9 жастағы қыз асылып қалды

Көкшетауда 9 жастағы қыз асылып қалды, деп хабарлайды Azattyq Rýhy.

Nayzakokshe инстаграм-паблигінің жазуынша, қыздың денесін әкесі тапқан. Көпбалалы отбасында болған қайғылы жағдай туралы редакция полиция департаментінен түсініктеме сұратты.

«Полиция департаменті бұл факт бойынша сотқа дейінгі тергеу жүргізіліп жатқанын хабарлайды. ҚР ҚІЖК-нің 201-бабына сәйкес өзге де ақпарат жария етілмейді», - деп хабарлады Ақмола ПД.

Пабликтегі ақпарат бойынша қыз үшінші сыныпта оқыған. Қазан айында ол 10 жасқа толуы керек еді.

Айта кетерлігі, Қазақстанда жылына 4 мыңға жуық тұрғын өзіне қол салады. Оның ішінде жыл басынан бері 112 балалар суициді тіркелді.