Қытайлық мейрамхананың бірінде қазаннан ытып шыққан шаян қызға шабуыл жасады (ВИДЕО)

Қытайлық мейрамхананың бірінде оқыс оқиға орын алды. Мейрамханаға келушінің бірін шаян шақты, деп хабарлайды Azattyq Rýhy.

BILD жазуынша, теңіз жорғалаушылары мейрамхана қонағына тірі күйде ұсынылған. Қыз оны өзі қайнаған суға тастап, пісіріп жеуі тиіс еді. Алайда, Тынық мұхиты шаянын (oratosquilla oratoria) таяқшаларымен ұстаған кезде, шаян ытып шығып, қыздың білегіне жабысып, шағып алады.

Даяшылар теңіз жорғалаушысын қыздың қолынан жұлып алуға тырысқан. Шаянның қыздың қолына мықтап жабысқаны сонша, оны ажырату оңайға түспеді. Қыз айқайлап жылаған. Қазір оның халі белгісіз.