«Іш киімін шешкен»: Ақмола облысында 22 жастағы жігіт 6 жасар қызды зорлаған

13 тамызда Ақмола облысының Целиноград ауданында сұмдық жағдай орын алды. Алты жастағы қызды ер адам зорлаған болуы мүмкін, деп хабарлайды Azattyq Rýhy.

Әлеуметтік желіден белгілі болғаны, ер адам 6 жастағы қызды құрылысы аяқталмаған үйге кіргізіп, іш киімін шешкен.

Полицияның хабарлауынша, ҚР ҚК 120-бабының 4-бөлігі «зорлау» бойынша тергеу басталды.

«Сотқа дейінгі тергеу 120-бап, 4-бап бойынша жүргізілуде. Күдікті ұсталды және уақытша ұстау изоляторына қамалды. Тергеу шеңберінде сараптамалар тағайындалды, қажетті тергеу әрекеттері жүргізілуде», - деп жауап берді Ақмола облысы ПД.

Белгілі болғаны, ұсталған ер адам – 2002 жылы туған Астана қаласының тұрғыны.