Атырауда тұрғындарды тонаған 3 адам ұсталды (ВИДЕО)
Олар қоғамдық орындарда күш көрсетіп тонаған
Атырауда тұрғындарды тонаумен айналысқан 3 күдікті қолға түсті, деп хабарлайды Azattyq Rýhy.
Атырау облысы полиция департаменті ұйымдасқан қылмысқа қарсы іс-қимыл басқармасының қызметкерлері 2 тонау қылмысының жолын кесті.
«Мейманхананың бірінде 39 жастағы тұтынушыға күш қолданып, оның бағалы алтын жүзігі мен қолсағатын және 1 млн 200 мың теңге ақшасын ашық түрде тонаған 23 және 18 жастағы күдіктілер анықталып ұсталды. Сондай-ақ 45 және 42 жастағы тұрғындардың телефондарын жымқырған 36 жастағы күдікті ізін суытпай анықталып, ұсталды. Қазір күдіктілерге қатысты тонау дерегімен тергеу амалдары жүргізілуде», - деп хабарлады полиция.
Айта кетейік, тонау қылмысы үшін күдіктіге 3 жылдан 7 жыл мерзімге бас бостандығынан айыру жазасы көзделген.
