Семейде төрт жасар бала бесінші қабаттың терезесінен құлап, мерт болды

Бүлдіршін сол сәтте ересектердің қарауынсыз қалған

Фото: depositphotos.com

Семейде төрт жасар бала бесінші қабаттың терезесінен құлап кетті, деп хабарлайды Azattyq Rýhy.

ТЖМ мәліметінше, Семей қаласында ересектердің қарауынсыз қалған 2020 жылы туған қыз бала 5-қабаттағы пәтердің терезесінен құлады. Бала алған жарақаттарынан сол жерде қайтыс болды.

Көп қабатты үйлердің терезелерінен балалардың құлауына байланысты жазатайым оқиғалардың алдын алу мақсатында ТЖМ ескертеді:

Балаларды қараусыз қалдырмаңыз!
Балалар бар пәтерлердің терезелерін арнайы қорғаныс құрылғыларымен жабдықтаңыз!
Бала оны өз бетінше аша алмауы үшін терезе тұтқаларын құлыптаңыз!
Ешқашан москит торларын қолданбаңыз-балалар оларға сүйеніп құлайды!
Баланың терезеге көтерілуіне жол бермеу үшін жиһаздың барлық түрлерін терезелерден алыстатыңыз!