Гомосексуал болып туған баланы емдеу мүмкін емес – ЛГБТ жақтасы Евгений Жовтис

Қазақстандағы құқық қорғаушы Евгений Жовтис ЛГБТ-ны насихаттау петициясын жария талқы кезінде петицияға қарсы екенін жеткізді, деп хабарлайды Azattyq Rýhy.

«Балалар гомосексуал болып туады. Ол - биологиялық ерекшелік. Олардың пайызы 2-4 пайыздан аспайды. Сексуалдық ерекшелік пен гендерлік бірегейлік насихаттың қорытындысы емес. Оны алкоголь мен есірткіні насихаттау сияқты тоқтатуға болмайды. Адамдар өмірге әртүрлі болып келеді. Ғалымдар да оны дәлелдеді», - дейді Евгений Жовтис.

Алайда сарапшы сөйлеп жатқан кезде залда отырғандар шулап, модератордың сөзін тыңдамай, спикердің баяндамасын тоқтатуды талап етті. Алайда, модератор залды тыныштық сақтауға шақырып, талқылауға қатысып отырғандарға кейін сөз берілетінін айтты.