Алакөлге дельтаплан құлады: Азаматтық авиация комитеті тергеу жүргізеді

Жетісу облысы Ақши ауылының маңында Алакөл көліне дельтаплан құлады, деп хабарлайды Azattyq Rýhy.

Азаматтық авиация комитеті оқиғаға қатысты мәлімдеме жасады.  

«Бүгін 25 шілде кешкі 17:15 кезінде Жетісу облысы Алакөл ауданы Ақши ауылында дельтаплан көлге апаттық жағдайда қонды. Екі адам зардап шекті. Қазіргі уақытта зардап шеккендер ауруханаға жеткізіліп жатыр», - делінген комитет хабарламасында.

Ведомство аталған авиациялық апат бойынша тергеу жүргізілетінін мәлім етті.