Астанадағы құрылыс алаңында жұмысшы құлап, мерт болды

Астанадағы құрылыс нысанының бірінде жұмысшы қаза тапты, деп хабарлайды Azattyq Rýhy.

Astanovka98 Telegram арнасының хабарлауынша, жұмысшы құрылыста биіктен құлаған. Әлеуметтік желіде трагедия орнынан видео жарияланды.

«19 шілдеде орын алған Астана қаласының құрылыс объектісінде жұмысшының қаза болу фактісі бойынша қылмыстық іс қозғалды. Құрылыс жұмыстарын жүргізу кезінде қауіпсіздік ережелерін бұзғаны үшін абайсызда адам өліміне әкеп соқтырғаны үшін сотқа дейінгі тергеу басталды», – деп хабарлады Астана қаласы полиция департаментінің баспасөз қызметі.