Жалған медициналық анықтама жасап, сатумен айналысқан дәрігер ұсталды

Степногорск қаласында медициналық анықтамалар қолдан жасалып, сатылған, деп хабарлайды Azattyq Rýhy.

«Қала прокуратурасы кейіннен жұмысқа қабылдау немесе рұқсат құжаттарын, оның ішінде жүргізуші куәлігін алу кезінде пайдаланылған медициналық тексеруден өту туралы анықтамаларды қолдан жасау фактілерін анықтады. Азаматтар белгілі бір ақыға «Ш» азаматтан медициналық мамандардың нақты тексеруінсіз медициналық тексеруден өткені туралы жалған анықтамалар сатып алғаны анықталды», - деп хабарлады Ақмола облысының прокуратурасы.

Тексеру нәтижелері бойынша «Ш» азаматына Қылмыстық кодекстің 385-бабы 2-бөлігі бойынша сотқа дейінгі тергеп-тексеру басталды.