Ақтөбеде көпқабатты үйде орналасқан дүкеннен өрт шығып, 7 адам құтқарылды

Өрттің себебі анықталуда

Фото: t.me/qr_tjm

Ақтөбеде көпқабатты үйде орналасқан дүкеннен өрт шығып, 7 адам құтқарылды, деп хабарлайды Azattyq Rýhy.

ТЖМ мәліметінше, Ақтөбе қаласында тоғыз қабатты тұрғын үйдің бірінші қабатындағы азық-түлік дүкенінде 4 ш.м. алаңда тоңазытқыш өртенді.

«Құтқарушылардың жедел іс-қимылдарының арқасында өрт шақыру түскен сәттен бастап 20 минут ішінде жойылды. ТЖМ күшімен баспалдақ маршымен 7 адам құтқарылды, оның ішінде 3 бала, жоғарғы қабаттардан 5 бала және 11 ересек эвакуацияланды», - делінген хабарламада.

Зардап шеккендер жоқ. Өрттің себебі анықталуда.

ТЖМ азаматтардан өрт қауіпсіздігі ережелерін сақтауды сұрайды.

Мақалада

#Ақтөбе #өрт #эвакуациялау #дүкен #көпқабатты үй #ТЖМ

Алдыңғы жаңалық

Қызылордада 4 жасар бала бесінші қабаттан бірінші қабаттағы баспалдаққа құлады