Атырау облысында 4 жасар балақай септикке батып кетті

Атырау облысындағы балабақшаның бірінде бүлдіршін септикке батып кетті, деп хабарлайды Azattyq Rýhy.

Құрсай шағын ауданындағы жеке балабақшаның бірінің аумағында серуендеу кезінде төрт жасар бала кәріз шұңқырына, септикке құлаған. Оқиға бүгін, 10 шілдеде, сағат 11-лер шамасында болған.

Оқиғаны қалалық білім бөлімі растады.

«Қайғылы оқиға Құрсай шағын ауданындағы «Чебурашка» жеке балабақшасында болды. Қазіргі уақытта құзыретті органдар барлық мән-жайларды анықтауда. Олардан түсініктеме күтеміз. Қайтыс болған баланың отбасына көңіл айтамыз», - деді қалалық білім бөлімінің басшысы Айнагүл Дүйсекенова.

Мәйітті септиктен балабақша қызметкерлері алып шықты. Қылмыстық іс қозғалды.