«Бірінші балам емес, сен ұрдың»: Гүлзира Айдарбекова сотта ұлы Қайрат Нұртасқа араша түсті

Әнші Қайрат Нұртас пен Асылбек Бекқайыров арасында ауызша жанжал туындап, арты төбелеске ұласқан,  деп хабарлайды  Azattyq Rýhy.

Сот отырысында әншінің анасы әрі продюсері Гүлзира Айдарбекова ұлына араша болды. 

«Бір-біріңді кешіргендерің дұрыс деп ойлаймын. Екеуің де маған бөтен адам емессіңдер. Үйімде жылдап жүрдің. Сен де менің баламдайсың. Мен саған ана ретінде айтамын, бұл жерде кешіру керек. Бірінші өзің ұрдың»,- дейді ол. 

Асылбек Бекқайыров әншіге кешірім бергенін жеткізді. 

Прокурор әншіні 15 тәулік қамауға алуды сұрады. Сот бұл ұсынысты қабылдады. Соттың шешімімен әнші 15 тәулікке қамалатын болды.