Түркістан облысында жүк пойызының вагондары рельстен шығып кетті

Төтенше жағдайдың себептері анықталып жатыр

Бейнеден кадр

Түркістан облысында жүк пойызының вагондары рельстен шығып кетті, деп хабарлайды Azattyq Rýhy.

Жергілікті Оtyrar.kz басылымының жазуынша, оқиға куәгерлері бес жүк пойызының рельстен шығып кеткенін түсірген видеоны жіберген.

«Түлкібас ауданындағы «Қарақшы» учаскесінде жүк пойызы рельстен шығып кетті. Апат салдарынан 4-5 вагон аударылды. Оқиғадан ешкім зардап шеккен жоқ», - делінген жарияланымда.

Төтенше жағдайдың себептері анықталып жатыр.

Кейін ҚТЖ баспасөз қызметі Шымкент стансасынан қалпына келтіру және өрт сөндіру пойыздары жіберілгенін мәлім етті.

Мақалада

#Түркістан облысы #төтенше жағдай #вагон аударылды #жүк пойызы

Алдыңғы жаңалық

Балқаш көлінде төрт балықшыны ағыс алып кетті