Йемен жағалауында мигранттар мінген қайық аударылып, 41 адам қаза тапты

Аягөз Құрмаш

Кейбір мигрант хабар-ошарсыз кеткен

Йемен жағалауында мигранттар мінген қайық аударылып, 41 адам қаза тапты
Фото: freepik

Йеменнің шығыс жағалауындағы Араб теңізінде Африкадан келген мигранттардың қайығы аударылып, 41 адам қаза тапты, деп хабарлайды Azattyq Rýhy.

Оқиға жайлы Йемен денсаулық сақтау министрлігінің Шабва Али Әл-Дхиб провинциясындағы өкілдігінің бас директоры хабарлады.

Оның айтуынша, 200-ден астам африкалық мигрант мінген қайық Шабва жағалауындағы суда аударылған. Ол Шабваның денсаулық сақтау қызметі мен халықаралық көші-қон ұйымының іздеу-құтқару бригадалары провинцияның оңтүстік-шығысындағы Радхум ауданының жағасында қаза тапқандардың денелерін табу үшін тынымсыз жұмыс істеп жатқанын растады.

Синьхуа хабарлағандай, тірі қалғандардың 70-тен астамы жағаға жетіп үлгерді, оларға жергілікті жерде медициналық көмек көрсетіледі.

А.Әл-Дхибтің айтуынша, қаза тапқандар саны артуы мүмкін, өйткені кейбір мигранттар әлі де хабар-ошарсыз. Йеменде 10 жылға жуық жалғасып келе жатқан қақтығыстарға қарамастан, Сауд Арабиясы мен басқа Парсы шығанағы мемлекеттеріне жетуге ұмтылған мыңдаған африкалық мигрант үшін транзиттік пункт ретінде қызмет етуді жалғастырып жатыр.

×
Бұл желілік ресурстың ақпараттық өнімдері 18 жастан асқан адамдарға арналған.