Алматы облысында 14 және 3 жасар қызды көлік қағып, мерт қылды
Көлік жүргізушісі уақытша ұстау изоляторына қамалды
Алматы облысындағы Есік қаласында 14 және 3 жастағы екі қызды көлік қағып кетті. Кәмелет жасына толмаған қыздардың екеуі де оқиға орнында қайтыс болды, деп хабарлайды Azattyq Rýhy.
Жол апаты орнынан түсірілген видео әлеуметтік желіде тарады. Желідегі ақпаратқа сүйенсек, қайғылы оқиға 8 маусым күні сағат 21:10-да саяжай аумағында орын алған.
Ал Алматы облысы ПД оқиғаға қатысты қылмыстық іс қозғалғанын нақты айтты.
«8 маусым күні Есік қаласындағы Алтын Адам аллеясы көшесімен келе жатқан Mercedes Benz маркалы көлігінің жүргізушісі кәмелетке толмаған екі қызды қағып кетті. Салдарынан кәмелетке толмаған екі қыз бала да сол жерде көз жұмды. Көлік жүргізушісі уақытша ұстау изоляторына қамалды. Оқиғаға қатысты қылмыстық іс қозғалып, қажетті сараптамалар тағайындалды», - деп түсіндірді облыстық ПД баспасөз қызметі.
