Атырау облысында жеңіл және жүк көлігі соқтығысып, екі адам қайтыс болды

Атырау облысында екі көлік соқтығысып, бір жолаушы оқиға орнында, ал көлік жүргізушісі жедел жәрдем көлігінде қайтыс болды. Бұл туралы Атырау облыстық ПД баспасөз қызметінен мәлім етті, деп хабарлайды Azattyq Rýhy.

Өңірлік ПД мәліметінше, жол-көлік оқиғасы бүгін, 9 маусымда болған.

«Түнгі сағат 00:30 шамасында Мақат ауданындағы Доссор кентінен Құлсары қаласына қатынайтын жолдың 92-шақырымы тұсында жол-көлік оқиғасы тіркелді. Жол үстінде екі көлік соқтығысты. Оның бірі – жүк көлігі. Екіншісі – Nissan Teana жеңіл көлігі. Жол апатының салдарынан бір адам оқиға орнында қайтыс болды», - делінген хабарламада.