Шымкентте жол ережесін бұзған жүргізуші полицейді көлігімен сүйреп әкетті

Әлеуметтік желіде жеңіл көліктің капотына мініп, оны тоқтатпақ болған полицейдің видеосы тарады. Оқиға Шымкент қаласында болған, деп хабарлайды Azattyq Rýhy OTYRAR-ға сілтеме жасап.

Кадрлардан патрульдік полиция қызметкерінің көліктің капотына мініп, Toyota жүргізушісін тоқтатуға тырысқанын көруге болады.

Көлік тоқтамас бұрын, полицейді бірнеше метрге дейін сүйреген.

Полиция департаменті видеоға түсініктеме берді.

«Тәртіп сақшысы Toyota жүргізушісін жол қозғалысы ережелерін бұзғаны үшін тоқтатпақшы болған. Бірақ ол тәртіп сақшыларының талаптарына бағынбады. Осы жағдайдан кейін, құқық бұзушыға бірнеше бап бойынша хаттамалар жасалды», - делінген хабарламада.