Шығыс Қазақстанда 21 жастағы есірткі ораушы ұсталды
Күдікті соттың санкциясымен қамауға алынды
![Шығыс Қазақстанда 21 жастағы есірткі ораушы ұсталды](https://azattyq-ruhy.kz/cache/imagine/main_page_full/uploads/news/2024/06/07/6662d5d3ba1b1650438206.jpg)
Шығыс Қазақстан облысының полицейлері синтетикалық есірткі ораушыны анықтады, деп хабарлайды Azattyq Rýhy.
Өскеменде жедел уәкілдер интернет-дүкеннің 21 жастағы есірткі ораушысын ұстады.
«Полиция қызметкерлері тінту барысында күдіктіден жалпы салмағы 500 грамм болатын ақ түсті ұнтақ тәрізді зат – мефедронды тәркіледі. Есірткіні аса ірі мөлшерде өткізу мақсатында заңсыз өңдеу, сатып алу, сақтау, тасымалдау фактісі бойынша қылмыстық іс қозғалды, тергеу жүргізіліп жатыр», - деп хабарлады ПД.
Күдікті соттың санкциясымен қамауға алынды.
Жыл басынан бері Шығыс Қазақстан полицейлері есірткі заттарының заңсыз айналымына байланысты 60-тан астам фактіні анықтағанын айта кеткен жөн. Оның 52-сі өткізу мақсатында. Заңсыз айналымнан 46 келіден астам есірткі түрлері тәркіленді.