Иракта бомба жарылып, бір отбасының алты адамы қаза тапты

Бағдаттың солтүстігіндегі Салах-эд-Дин провинциясында жол бойында бомба жарылып, салдарынан 6 адам қаза тапты. Олардың барлығы бір отбасы мүшелері, деп хабарлайды Azattyq Ruhy.

Аймақ полициясының өкілі Мұхаммед әл-Базидің  айтуынша, жарылғыш құрылғы кешке Салах-эд-Дин провинциясының Байджимен көршілес Анбар провинциясындағы Хадита  қаласы арасындағы шөлді жолдағы көліктің жанында жатқан.

«Ирактың қауіпсіздік күштері оқиға орнына келіп, оқиғаны тергеуді бастады, ал жедел жәрдем ауруханаға жарақат алғандарды жеткізді»,- деп қосты М. Әл-Бази.

Синьхуа хабарлағандай, Салах-эд-Дин провинциясының шығысындағы жол бойынша жарылған бомбаның әсерінен армия көлігі де жарылды, нәтижесінде екі сарбаз қаза тауып, тағы төртеуі жарақат алды.