Сот жабық режимде өтіп жатыр
Талдықорған полициясының бұрынғы басшысы Марат Күштібаевқа қатысты соттың жарыссөзі өтті. Прокурор айыпталушыны 12 жылға соттауды сұрады, деп хабарлайды Azattyq Ruhy Жетісу облыстық сотының баспасөз қызметіне сілтеме жасай отырып.
Марат Күштібаев 2023 жылы 14 қарашада өз кабинетінде қыз зорлады деген айыппен қамауға алынған. Бұған дейінгі сот отырысының бірінде оның кенеттен ауруханаға түскені хабарланған.
Күштібаевтың үстінен Қылмыстық кодекстің 120-бабы 2-бөлігі бойынша қылмыстық іс қозғалған. Сот жабық режимде өтіп жатыр.