Қазіргі уақытта жүргізуші анықталды
Әлеуметтік желілерде Павлодарда жол ережесін өрескел бұзған автобустың видеосы пайда болды. Жолаушылардың бірі айтып өткендей, жүргізуші рөлде ұйықтап кетіп, салдарынан автобус аударылып кете жаздағанын айтты, деп хабарлайды Azattyq Ruhy Павлодар-онлайн сайтына сілтеме жасап.
Жағдайға облыстық полиция департаментінде түсініктеме берілді.
«18 сәуірде сағат 21.50-де Павлодарда Назарбаев даңғылында «Golden Dragon» маркалы автобус жүргізушісі рөлді басқара алмай, «Stop» жол белгісін соғып, содан кейін қозғалысын жалғастыра отырып, тағы бір белгіні соқты. Содан кейін жол апаты орнынан кетіп қалған. Қазіргі уақытта жүргізуші анықталды. ЖКО салдарынан зардап шеккендер жоқ», - деді полиция қызметкерлері.
Бұл факт бойынша тексеру жүргізілуде, автобус әзірге айыппұл тұрағына қойылды.