Балгер емес, дәрігер шақырайық – спорт комментаторы Бишімбаевтың жауабын мысқылдады

Спорт комментаторы Әлімжан Асқар шулы соттың фигуранты Қуандық Бишімбаевты футбол матчы кезінде келеке қылды, деп хабарлайды Azattyq Ruhy. 

"Шахтер" мен "Астана" футбол клубтары 7 сәуірде Қазақстан чемпионатының 4-турында өнер көрсеткен. Матч уақытында комментатор жығылып қалған футболшыға көмек көрсету үшін «көріпкел емес, дәрігер шақырған дұрыс» деп әзілдеді. 

«Дәрігер шықыруымыз керек сияқты. Жалпы, бір адамға көмек керек кезде, жедел-жәрдем, дәрігерлер шақырған дұрыс. Әйтпесе кейбір ақымақтар балгерлерге хабарласады екен. Жоқ, әркім өз жұмысын істесін. Дәрігерлер келіп, көмек көрсеткен жөн болады. Дәл қазір Ашортионы зеңбілмен алып кетуге дайындалып жатыр», - деді ол.

Айта кетсек, елорда сотында ісі қаралып жатқан бұрынғы Ұлттық экономика министрі Қуандық Бишімбаев хал үстінде жатқан әйелін өлім ауызанан құтқаратын дәрігер шақырудың орнына, балгерге хабарласқанын айтқан болатын.