Алматыда жас жігітті соққының астына алған ер адам ұсталды

Алматыда белгісіз ер адам жас жігітті соққыға жыққан. Оқиғаның видеосы әлеуметтік желіде тарады, деп хабарлайды Azattyq Rýhy.

Видеодағы жазбада кінәлілердің ұсталып, полицияға жеткізілгені жазылған. Мұны Алматы қалалық полиция департаменті де растады. Аталған оқиғаға байланысты күш қолдану арқылы озбырлық фактісі бойынша қылмыстық іс қозғалған.

«Күдікті анықталып, ұсталды. Ол қазір уақытша ұстау изоляторында қамауда отыр. Тергеу жалғасып жатыр», - деп хабарлады Алматы қалалық полиция департаментінің баспасөз қызметі.