Ақтөбе облысының тағы бір ауданында төтенше жағдай жарияланды

Ақтөбе облысының Үйіл ауданында көктемгі су тасқынына байланысты төтенше жағдай жарияланды, деп хабарлайды Azattyq Ruhy.

Облыс әкімдігінің мәліметінше, бес ауылды су басу қаупі бар: Қаратал, Қарасу, Амангелді, Қарасу, Көптоғай. Ал Екпетал ауылы толығымен су астында қалды. Көктемгі су тасқыны Үйіл өңіріне үлкен қиындықтар туғызып отыр.

«Осыған байланысты бүгіннен бастап ауданда жергілікті төтенше жағдай жарияланды. Сондықтан осы елді мекендердің барлық тұрғындарын қауіпсіз аймаққа шығуды сұраймыз. Ең бастысы - адам өмірі», - деп хабарлады Ақтөбе облысы әкімдігінің баспасөз қызметі.