Таразда жолаушылар автобусы өртенді

Тараз қаласында Мәмбет батыр көшесінің бойында жолаушылар автобусы өртке оранды, деп хабарлайды Azattyq Ruhy Жамбыл облыстық ТЖД-ге сілтеме жасап.

Бүгін сағат 17:43-те Жамбыл облысы ТЖД күштер мен құралдарды жедел басқару орталығының телефонына Тараз қаласы, Мәмбет батыр көшесінің бойында жолаушылар автобусының өртенгендігі туралы хабарлама келіп түсті.

«Шақырту орнына Департаменттің күштері мен құралдары( 16 адам жеке құрам және 4 бірлік техника) жедел жетті. Өрт сөндірушілердің күшімен өрт 18:00-де  ауыздықталды және 18:06 -да жойылды. Зардап шеккендер мен қаза болған адамдар тіркелген жоқ. Өрттің шығу себебі анықталуда», - делінген хабарламада.