Қостанай облысында 75 жастағы тұрғын коронавирустан көз жұмды

Қостанай облысында коронавирус індетінен бір науқас көз жұмды. Марқұм 1945 жылы дүниеге келген. Бұл туралы ақпаратты coronavirus2020.kz порталы хабарлады.

Осылайша, Қазақстанда қауіпті індеттен көз жұмғандар 15 адамға жетті.

• Нұр-Сұлтан қаласы – 2
• Алматы қаласы – 2
• Шымкент қаласы – 2
• Ақмола облысы – 4
• Шығыс Қазақстан облысы – 1
• Қарағанды облысы – 1
• Қостанай облысы – 1
• Павлодар облысы – 1
• Түркістан облысы – 1

Індеттен көз жұмған 75 жастағы тұрғын жайлы облыстық Денсаулық сақтау басқармасы ақпарат берді. 1945 жылы туған азамат Жітіқара қаласының тұрғыны екен. Пневмония диагнозымен ауруханаға түскен. 14 сәуір күні науқастың жағдайы ауырлап, оған реаниматологтар бригадасы қолдан келгенше көмек көрсеткен. Алайда, бүгін таңғы сағат 08.30-да науқастың жүрегі тоқтаған.