Маңғыстау облысында жеңіл және жүк көліктері соқтығысып, екі адам қайтыс болды

Тағы екі адам Мұнайшы ауылының медициналық мекемесіне түрлі жарақаттармен жеткізді

Фото: «ҚазАвтоЖол» ҰК баспасөз қызметі

Маңғыстау облысында жантүршігерлік жол апатынан екі адам қаза тапты. Бұл туралы «ҚазАвтоЖол» компаниясының баспасөз қызметінен мәлім етті, деп хабарлайды Azattyq Rýhy.

Бүгін, 16 наурызда «Доссор-Құлсары-Бейнеу-Сайөтес-Шетпе-Жетібай-Ақтау» автожолының 733-шақырымында жеңіл және жүк көліктері соқтығысты. Алдын ала мәліметтер бойынша, Toyota маркалы автомобиль жүргізушісі жылдамдықты асырып, Shacman маркалы жүк көлігіне соқтығысқан.

Жол апаты салдарынан екі адам оқиға орнында қаза тауып, тағы екеуін Мұнайшы ауылының медициналық мекемесіне түрлі жарақаттармен жеткізді.

Мақалада

#Маңғыстау облысы #жол апаты #адам өлімі #жүк көлігі

Алдыңғы жаңалық

Өскеменде бір күнде екі адамның мәйіті табылды