Жетісу облысында полиция ақбөкен мүйіздерінің ірі партиясын тәркіледі

Облыстық полиция департаменті Ұйымдасқан қылмысқа қарсы күрес басқармасының қызметкерлері ҚР ҰҚК Шекара қызметінің Жетісу облысы бойынша департаменті қызметкерлерімен бірлесіп  Жаркент қаласы көшелерінің бірінде Mitsubishi Galant көлігін тоқтатып, онда үш күдікті болған.

 «Автокөліктің салоны мен жүксалғышында ақбөкен мүйізі бар 6 қорап пен сөмкелер табылды. Олардың жалпы саны 1382 бірлікті құрады. Сирек кездесетін жануарлардың дериваттарымен заңсыз айналысу фактісі бойынша қажетті сараптамаларды тағайындаумен қылмыстық іс қозғалды», - деді облыстық ПД бастығының орынбасары Елдар Әбдікенов.

Күдіктілер уақытша ұстау изоляторына қамалды, тергеу әрекеттері жүргізілуде.