«Тойып ішіп алғанмын»: Түркістан облысында мас күйде көлік тізгіндеген әйел ұсталды

27 жастағы жүргізуші Шардара-Арыс тас жолының бойында қарсы бағытқа шығып, жол белгілері талаптарын сақтамаған, деп хабарлайды Azattyq Ruhy Түркістан облысы Полиция департаментінің баспасөз қызметіне сілтеме жасап.

«Audi A4» маркалы автокөлігін Шардара аудандық учаскелік полиция инспекторлары түнгі рейдтік шара барысында тоқтатқан. Тәртіп сақшылары жүргізуші әйелдің құжаттарын тексеру кезінде оның мас хәлде екенін анықтаған. Өз сөзінде көлік тізгіндеген әйел ішімдік ішкенін растап, «тойып ішіп алғанмын, сотта жауап беремін» деп айтқан.

Мас күйде рөлге отырған жүргізушіге қатысты іс сотқа жолданып, әйел 7 жыл мерзімге көлік басқару құқығынан айырылды.