Қостанайда Ұлттық ұланның әскери қызметшісі қарт әйелді өрттен құтқарды

Қостанайда бес қабатты үйдің пәтерлерінің бірінен өрт шықты. Сол маңнанн өтіп бара жатқан сержант Болат Ысқақов бірінші қабаттағы түтін толған пәтерден қарт әйелді сыртқа шығарды, деп хабарлайды Azattyq Ruhy Polisia.kz-ке сілтеме жасап.

Ол бірден 101-ге хабарлап, тұрғынды құтқаруға кіріскен.

«Түтінді көріп, мен кіреберіске қарай жүгірдім. Өрт сөндіру бригадасын шақырдым. Кіреберістің есігі жабық болды, сондықтан ондағы пәтерлерге қоңырау шала бастадым. Есікті тез арада ашты. Кіреберіске кіргенде айналаның бәрі түтінге толғанын көрдім. Кейін уақытты жоғалтпай, мен әйелді алып, оны терезе арқылы сырттағы адамдарға тапсырдым», - дейді Болат Ысқақов.