Шығыс Қазақстанда өздігінен қар көшкіні түсті

Azattyq Rýhy

Сонымен қатар Зайсанда ауа райының күрт жылуына байланысты таулы жерлерде қар ери бастаған

Шығыс Қазақстанда өздігінен қар көшкіні түсті

11 ақпанда Шығыс Қазақстан облысының Самар ауданында, облыстық маңызы бар «Өскемен-Тарғын ауылы- Самар» автожолының 132-шақырымында жауын-шашынның көп түсуіне және желдің күшеюіне байланысты жалпы көлемі 1300 м3 қар көшкіні өздігінен түскен, деп хабарлайды Azattyq Ruhy ТЖМ баспасөз қызметіне сілтеме жасап.

Зардап шеккендер мен қираулар болған жоқ.

«Облшығысжол» ЖШС-нан 2 адам және 2 техникамен жолды тазарту жұмыстары жүргізілуде.

Аталған орында полиция қызметкерлері жол қауіпсіздігін қамтамасыз етуде. Сондай-ақ бекеттер қойылды.

Сонымен қатар облыстық ТЖД мәліметтері бойынша, 11 ақпанда Зайсанда ауа райының күрт жылуына байланысты таулы жерлерде қар ери бастаған.

Тұрғын үйлерді су басу қаупі жоқ.

Аудан орталығында бірнеше техника жұмыс істеп жатыр.

×
Бұл желілік ресурстың ақпараттық өнімдері 18 жастан асқан адамдарға арналған.