Атырау облысында жол апатынан көлік өртеніп, екі адам қаза тапты

Қайғылы оқиға 4 ақпанда Ақтөбе – Атырау – Астрахань тасжолында болған

Фото: Атырау облыстық ПД баспасөз қызметі

Атырау облысында жол-көлік апаты салдарынан екі адам қаза тапты, деп хабарлайды Azattyq Ruhy.

Облыстық Полиция департаментінен хабарлағандай, қайғылы оқиға 4 ақпанда сағат 15:30 шамасында республикалық маңызы бар Ақтөбе – Атырау – Астрахань тасжолының 873 шақырымында болған.

«Volvo маркалы жүк көлігінің 1958 жылы туған жүргізушісі қарсы бағытта келе жатқан Mitsubishi Outlander автокөлігіне соқтығысқан. Соның салдарынан Mitsubishi Outlander автокөлігі өртке оранып, 1964 жылғы жүргізушісі мен 1965 жылғы жолаушысы оқиға орнында қаза тапты», - делінген хабарламада.

Қазіргі уақытта тиісті іс-құжаттар жинақталып, тергеу ісі басталды.

Мақалада

#Атырау облысы #жол-көлік апаты #адам өлімі #полиция #қайғылы оқиға

Алдыңғы жаңалық

Түркияның оңтүстігінде полиция тікұшағы апатқа ұшырап, екі ұшқыш қаза тапты