Жапонияда жер сілкінісінен қаза тапқандар саны 90-нан асты

Жапонияда бес күннен бері жалғасып жатқан жер сілкінісінен қаза тапқандар саны 92-ге жетті, деп хабарлайды Azattyq Ruhy ТАСС ақпарат агенттігіне сілтеме жасап.

Сондай-ақ, елдің төтенше жағдайлар қызметі 242 адамның тұрғылықты жерін анықтай алмай жатыр.

Соңғы мәліметтер бойынша, жер сілкінісі мен оның салдарынан 250-ден астам тұрғын әртүрлі ауырлықтағы дене жарақаттарын алған.

Бұдан басқа, табиғи апат аймағында Жапонияның өзін-өзі қорғау күштері жұмылдырылған құтқару және іздестіру операциясы жалғасып жатыр.

Айта кету керек, Исикава әкімшілік бөлігі ең көп шығынға ұшырады. Онда 250-ден астам үй қирап, өрт тағы 200 ғимаратты қиратқан.