$ 520.91  544.25  5.29
ҚАЗ
×
Бұл желілік ресурстың ақпараттық өнімдері 18 жастан асқан адамдарға арналған.
21.11.2023, 13:21
Оқиғалар

44 млн теңгені иеленген: Қызылорда облысында қаржы пирамидасының басшылары ұсталды

Сот санкциясы негізінде үш күдікті қамауға алынды

44 млн теңгені иеленген: Қызылорда облысында қаржы пирамидасының басшылары ұсталды
kapital.kz

Қаржы мониторингі агенттігінің Қызылорда облысы бойынша департаменті «Qnet» қаржы пирамидасымен айналысқан 3 күдіктіні қамауға алды, деп хабарлайды Azattyq Ruhy.

«Күдіктілер Қызылорда қаласының аумағында «Qnet» компаниясының құрылымдық бөлімшесін ұйымдастырған азаматтар желілік маркетинг және электрондық коммерция деген желеумен қаланың 35 тұрғынынан 2019-2022 жылдың қаңтар айы аралығында 44 млн теңгеге жуық көлемде ақша қаражаттарын тартқан. Тергеу барысында жәбірленушілердің компанияға 840 мыңнан 1 млн 200 мың теңге көлемінде қаржы салғаны анықталды», - делінген хабарламада.

Сот санкциясы негізінде үш күдікті қамауға алынды. Сотқа дейінгі тергеу жұмыстары жүргізіліп жатыр.

ҚР ҚПК 201-бабына сәйкес басқа ақпарат жарияланылмайды. ҚР Конституциясының 77-бабының 3-тармағының 1-тармақшасына және ҚР Қылмыстық-процестік кодексінің 19-бабының 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әркім кінәсіз деп есептеледі.

Компанияларды қаржылық пирамида белгілерінің бар-жоғына «Baiqa, piramida!» Телеграм боты арқылы тексере аласыз.

Серіктес жаңалықтары