Астанада жолдан өтіп бара жатқан әйелді автобус қағып кетті

Астанада жолдан өтіп бара жатқан әйелді автобус қағып кетті. Әйел ауруханаға жатқызылды. Автобус жүргізушісінің тыйым салынған бағдаршамнан өтіп кеткені белгілі болды. Бұл туралы елордалық ПД баспасөз қызметі мәлім етті, деп хабарлайды Azattyq Rýhy.

Елордалық полиция жол-көлік оқиғасы тергеліп жатқанын хабарлады.

«Абылайхан даңғылымен келе жатқан маршрут автобусы жүргізушісі Жансүгірұлы көшесінің қиылысында тыйым салынған бағдаршамнан өтіп бара жатып, бағдаршам рұқсат берген кезде жолды кесіп өтіп бара жатқан 50 жастағы әйелді қағып кеткені анықталды», - делінген хабарламада.

Жаяу жүргінші жарақат алды, медицина мекемесіне жеткізілді.