Таразда 54 жастағы ер адам мешітте ұрлық жасады

Azattyq Rýhy

Ер кісі кінәсін толық мойындады

Таразда 54 жастағы ер адам мешітте ұрлық жасады

«102» арнасына Тараздың 19 жастағы тұрғыны шағым білдірді. Жігіттің айтуынша, ол орталық «hибатулла-Тарази» мешітінде барған, онда намаз оқып жатқан сәтте әлдекім оның күртешесін ұрлап кеткен, деп хабарлайды Azattyq Ruhy облыстық полиция департаментінің баспасөз қызметіне сілтеме жасап.

Оқиға 23 қазан күні болған кешкі сағат 5 пен 6 арасында болған. Келтірілген шығын 25 000 теңгені құрайды.

«Аталған дерекке қатысты ҚР ҚК-нің 188-бабы 1-бөлігі (Ұрлық) бойынша сотқа дейінгі тергеу басталды. Жедел-іздестіру іс-шараларының нәтижесінде бейнебақылау камераларының көмегімен полиция қызметкерлері қаладағы шағын аудандарының бірінің 54 жастағы тұрғынын анықтап, ұстады. Ер адам кінәсін толық мойындады, тергеу әрекеттері жүргізілуде», - делінген хабарламада.

×
Бұл желілік ресурстың ақпараттық өнімдері 18 жастан асқан адамдарға арналған.