ШұғылCOVID-19 жұқтырған 16 науқас аса ауыр халде жатыр

Шымкентте әуе және теміржол байланысы тоқтатылады

Індеттің алдын алу шаралары күшейтілді

28 наурыз күні сағат 00: 00-ден бастап Шымкент қаласында жұқтырғандар санының көбеюіне жол бермеу үшін қосымша шектеу шаралары енгізіледі, деп хабарлайды қала әкімдігі.

- Әуежай мен теміржол вокзалының жұмысы толығымен тоқтатылып, әуе және теміржол байланысы тоқтатылады.

- Көлік базарлары, азық-түлік жәрмеңкелері, ұялы телефон дүкендері жабық болады.

- Тұрғын үйлерде, тұрғын аудандарда, діни бірлестіктерде жеке, отбасылық және басқа шараларды өткізуге қатаң тыйым салынады

- Сауда мекемелері тауарлар мен қызметтерді сатуды онлайн режимінде өткізуге шақырылады.

- Барлық сауда және басқа да нысандарда келушілер мен сатушылар медициналық маскаларды киюі және санитарлық-дезинфекциялық шаралар күшейтіледі.

- Мал базарлары тек жексенбіде сағат 11.00-ден 17.00-ге дейін жұмыс істейді.

- Қоғамдық тамақтандыру орындарының жұмыс уақытына сағат 10.00-ден 18.00-ге дейін шектеу енгізілді. Кешке, 18.00-ден 22.00-ге дейін, қоғамдық тамақтану орындары өз жұмысын үйге тамақ жеткізу режимінде жүргізеді.

- Қоғамдық тамақтандыру орындарының өкілдері тұтынушылармен кіреберістегі температураны тексеріп, қолды санитарлық тазартуға мүмкіндік беруі керек. Сонымен қатар мекемеде «келушілер арасындағы бір бос үстел» форматын қамтамасыз ету үшін 50 адамнан аспауы керек.

- 21.00-ден 7.00-ге дейін Шымкент қаласының аумағына кіруге және шығуға тыйым салынады.  Бұл шара транзиттік және тамақ тасымалы үшін қолданылмайды.

- Қоғамдық көліктер сағат 6.00-ден 21.00-ге дейін жұмыс істейді.

Айта кетейік, соңғы деректер бойынша Түркістан облысында екі адамның коронавирус жұқтырғаны анықталды.