БҚО-да көлік сиырға соғылып, жүргізуші қаза тапты

Батыс Қазақстан облысында тасжолда қатты жылдамдықпен келе жатқан көлік жол үстіне шығып кеткен сиырға, артынша жүк көлігіне соғылған, деп хабарлайды Azattyq Ruhy.

«Мой город» порталының жазуынша, қайғылы жол апаты 24 тамызға қараған түні Ақтөбе – Атырау – Астрахань жолының 430-шақырымында болған.

«Toyota Camry жолдан өтіп бара жатқан сиырды соғып, артынша Mercedes жүк көлігіне соғылған. Toyota Camry көлігінің 35 жастағы жүргізушісі алған жарақатынан оқиға орнында көз жұмды», - делінген хабарламада.

Көлікте болған екі жолаушы зардап шекті.