Жамбылда ер адам ауылдастарының 19 бас малын құмар ойынға салып жіберген

Жамбылда құмар ойынға құныққан азамат ауылдастарының 19 бас малын ойынға салып жіберген, деп хабарлайды Azattyq Ruhy.

Барымташылыққа барған 35 жастағы тұрғын әуелі жайылымда жүрген 6 бас ірі қараны ұрлайды. Ал он күннен кейін 13 жылқыны алдына салып айдап әкетеді. Қылқұрықтар ішінде бәйге аттары да бар, деп жазады qazaqstan.tv.

Асылтұқымды арғымақтардың әрқайсының құны 2 млн теңгеден асады. Күдіктінің ұрлыққа барғаны мал базарда әшкереленді. Ол өз кінәсін бірден мойындаған. Ол қолды қылған жылқы мен сиырдың ақысын 10 млн теңгеге бағаланған құнымен толық өтеп берген. Айыпты азамат 5 жылға бас бостандығынан айырылды.