ШұғылҚазақстанда бір тәулікте 820 адам коронавирус жұқтырған

Алматыда жүргізушілерді айналма жол арқылы өткізуге уәде берген адамдар ұсталды

Барлығы 5 адам ұсталды

Алматы полициясы жүргізушілерге тосқауылдан айналма жол арқылы өтуге уәде берген адамдарды ұстады, – деп хабарлайды Polisia.kz. Қаланың батыс жағында орналасқан № 20 бақылау-постындағы полицейлермен бес адам ұсталды, олар азаматтарды ақшасын берген жағдайда өткізу бекетінен айналып өтіп, қалаға алып кетуге уәде берген.

«Олар көмектерін бір адамға 3 мыңнан 5 мың теңгеге дейін бағалады. Ер адамдар ұсталды және ҚР Әкімшілік құқық бұзушылық туралы кодексінің 476-бабы «Төтенше жағдайды бұзу» бойынша қылмыстық жауапкершілікке тартылды. Алматы қаласының мамандандырылған ауданаралық әкімшілік сотының шешімімен аталған адамдарға айыппұл салынды», – деді Наурызбай аудандық Полиция басқарманың басшысы Дидар Аханов.

Осыған байланысты, Алматы полиция Департаменті кезекті рет азаматтарды заңға бағынуға және кедергілерден өтудің заңсыз жолдарын іздемеуге шақырады.

«Мен сіздерді сендіремін, бұл әрекеттер пайдасыз болады және нәтиже бермейді. Төтенше жағдай кезінде оңай ақша тапқысы келетіндерге жауапкершілікті ұмытпау туралы ескертемін. Мұндай фактілер бірден тоқтатылады», – деді Аханов.