Алматы әуежайында ұшақтан түтін шықты

Алматы-Астана бағыты бойынша ұшатын ұшақтың техникалық дайындығы кезінде әуе кемесінен түтін шықты, деп хабарлайды Azattyq Ruhy.

«Airbus 321 ұшағын Алматы-Астана КС 853 рейсіне техникалық дайындау кезінде қосалқы күш қондырғының ыстық бөлігіне май булары тамып, түтін пайда болды. Өрт болған жоқ. Ұшақ кесте бойынша 12.55-те ұшып кетті», - деп мәлімдеді Air Astana әуе компаниясы.

Өз кезегінде Азаматтық авиация комитеті әуежайда азаматтарға қауіп жоқ екенін хабарлады.

«Бұқаралық ақпарат құралдарында Air Astana әуе компаниясының ұшағына қатысты ақпаратқа байланысты Алматы әуежайында өрттің жоқтығын хабарлаймыз. Алматы халықаралық әуежайының ақпараты бойынша, регламенттік жұмыстарды жүргізу кезінде қосалқы күш қондырғысының жұмысынан түтін шыққан. Әуежай штаттық режимде жұмыс істеуде», - делінген хабарламада.