«Жыныстық қатынасқа ұқсас қылық танытты»: полиция ерсі қылық жасағандарды анықтады

Ақтөбе облысында кәмелетке толмаған жасөспірімнің ерсі әрекеттері түсірілген видеоны полиция тексеріп, олармен профилактикалық әңгімелесу жүргізілді, деп хабарлайды Azattyq Ruhy Polisia.kz-ке сілтеме жасап.

Интернет желісінде таратылған - кәмелетке толмағанның басқа біреуді ұрып-соғып, жыныстық қатынасқа ұқсас қозғалыстар жасағаны көрсетілген видеоға сәйкес, жасөспірім анықталып, ата-анасымен бірге полиция бөліміне жеткізіліп, олармен профилактикалық әңгімелесу жүргізілді.

«Материал жиналып, Хромтау ауданы әкімдігі жанындағы кәмелетке толмағандар істері жөніндегі комиссияға қарауға жіберілді, оның қорытындысы бойынша ата-анасына ҚР ӘҚБтК-нің 127-бабы «Кәмелетке толмағандарды тәрбиелеу және (немесе) білім беру, олардың құқықтары мен мүдделерін қорғау жөніндегі міндеттерді орындамау» бойынша әкімшілік хаттама толтырылады. Кәмелетке толмағанды профилактикалық есепке қою мәселесі шешілуде», - делінген хабарламада