Қостанайлық полицейлер есірткінің ірі партиясын тәркіледі
Бұл дерек бойынша сотқа дейінгі тергеу басталды
Қостанайлық полицейлер «Ксанакс» таблеткаларының және есірткінің ірі партиясын тәркіледі, деп хабарлайды Azattyq Ruhy.
Қостанай облысы полиция департаментінің мәліметінше, 21 жастағы Қостанай тұрғынының үйінен айрықша заттар салынған бес шыны құты және екі полимерлі Zip-пакет табылды.
«Зертханалық зерттеулер жүргізілгеннен кейін ер адам құтыларда кептірілген марихуананы сақтағаны белгілі болды. Пакеттерде психотроптық саңырауқұлақтар мен құрамында психотроптық заттар бар «Ксанакс» дәрілік препаратымен таблеткалар табылды», - деді Қостанай облысы ПД ЕҚҚІҚБ бастығының м.а. Амир Нигматзанов.
Ол бір келіге жуық марихуана, 65 гр кептірілген саңырауқұлақ, сондай-ақ 312 дана «Ксанакс» таблеткасы тәркіленгенін айтты.
Бұл дерек бойынша ҚР ҚК 297-бабымен сотқа дейінгі тергеу басталған.
