БҚО-да жол апатынан екі ересек адам мен бір бала қаза тапты
Қайғылы оқиға Орал қаласы маңында болған
Батыс Қазақстан облысында жантүршігерлік жол апатынан үш адам қаза тапты, деп хабарлайды Azattyq Ruhy.
БҚО полиция департаменті баспасөз қызметі хабарлағандай, қайғылы оқиға 20 мамырда сағат шамамен 23.05-те Орал қаласы маңында болған.
«46 жастағы жүргізуші «Changan» автокөлігімен Подстепный – Меловые горки жолының 5-шақырымында қарсы бетке шығып кетіп, 25 жастағы жүргізуші айдап келе жатқан «Volvo» жүк көлігінің жартылай тіркемесіне соғылған. Соның салдарынан 45 жастағы жүргізушімен қоса, 1977 және 2011 жылғы жолаушылар алған жарақатынан есін жимастан, оқиға орнында көз жұмды», - делінген ПД хабарламасында.
Аталған дерек бойынша ҚР ҚК 345-бабы 4-бөлігіне сәйкес сотқа дейінгі тергеу амалдары жүргізіліп жатыр.
«Басқа ақпарат ҚР Қылмыстық іс жүргізу кодексінің 201-бабына сәйкес жариялауға жатпайды», - делдінген хабарламада.
Қазіргі кезде оқиғаның жай-жапсары анықталып жатыр.
