Шымкентте 72 жастағы қария аурухананың үшінші қабатынан құлап қаза тапты

Шымкентте 72 жастағы ер адам № 1 қалалық аурухананың үшінші қабатының терезесінен құлап, қайтыс болды, деп хабарлайды Azattyq Ruhy OTYRAR-ға сілтеме жасап.

Қайғылы оқиға 18 мамырда түнгі сағат 23:30 шамасында болған.

Алдын ала мәліметтер бойынша, марқұмның денесінен зорлық-зомбылықтың белгілері табылмаған.

Белгілі болғандай, зейнеткер өз-өзіне қол жұмсамақ болғаннан кейін ауруханаға түскен. Бұл нұсқа Денсаулық сақтау басқармасында әлі расталған жоқ. Қария Әл-Фараби ауданындағы Айқап шағын ауданында тұратын, отбасы, балалары бар. Куәгерлердің айтуынша, бірнеше күн бұрын зейнеткерге ұлы келіп кеткен.