$ 504.34  556.34  5.97
ҚАЗ
×
Бұл желілік ресурстың ақпараттық өнімдері 18 жастан асқан адамдарға арналған.
16.05.2023, 15:34
Оқиғалар

Жамбылдық полицейлер такси жолаушысынан 5 келіге жуық есірткі затын тәркіледі

Күдіктіге қатысты 3 жылдан 7 жылға дейінгі мерзімге бас бостандығынан айыру жазасы тағайындалуы мүмкін

Жамбылдық полицейлер такси жолаушысынан 5 келіге жуық есірткі затын тәркіледі

Жамбыл облысы Полиция департаменті патрульдік полиция батальонының қызметкерлері есірткіні аса ірі мөлшерде сақтау дерегін анықтады, деп хабарлайды Azattyq Ruhy.

«Меркі-Шу-Бурылбайтал трассасының 260- шақырымында аумақты патрульдеу кезінде полиция қызметкерлері "Honda Accord" маркалы автокөлігін тоқтатты. Автокөліктің багаж бөлігінен жолаушы болып келе жатқан Астана қаласының 38 жастағы тұрғынына тиесілі, жалпы салмағы 4 келі 700 гр. кептірілген марихуана салынған полиэтилен пакеті табылды», - делінген облыстық полиция департаментінің баспасөз хабарламасында.

Ұсталған азамат өз кінәсін толығымен мойындады. Оған қатысты сот қамауда ұстау түріндегі бұлтартпау шарасын таңдады.

«Осы дерекке қатысты ҚР ҚК-нің  296-бабы 4-бөлігі (Есірткі, психотроптық заттармен, сол тектестермен өткізу мақсатынсыз заңсыз жұмыс істеу) бойынша сотқа дейінгі тергеп-тексеру амалдары жүргізіледі. Осы баптың санкциясы 3 жылдан 7 жылға дейінгі мерзімге бас бостандығынан айыру түріндегі жазаны көздейді», - делінген хабарламада.

Серіктес жаңалықтары