ШұғылӨткен тәулікте Қазақстанда 835 адамнан COVID-19 вирусы анықталды

Пара беруге нұсқау берген экс-әкім 6 млн теңге айыппұл төлейді

Лауазымын асыра пайдаланды деп айыпталған Жамбыл облысы Тұрар Рысқұлов ауданының экс-әкіміне қатысты сотқа дейінгі тергеу аяқталды

фото: Батыржан Беспаев

Сыбайлас жемқорлыққа қарсы іс-қимыл агенттігінің 1-ші департаментінің аға тергеушісі Данияр Бигайдаров Жамбыл облысы Тұрар Рысқұлов ауданының экс-әкімі А. Қырықбаевқа қатысты сотқа дейінгі тергеудің аяқталғанын хабарлады.

«Қырықбаев ведомствоға қарасты ұйымдардың егін егуге және жинауға арналған арнайы көліктерін аффелирленген кәсіпорынның қарын тазалауға заңсыз тартқан. Сондай-ақ,  қызметін асыра пайдаланып, «Меркі жолдары» ЖШС директорына үшінші тұлғаға 2 млн теңге пара беру туралы нұсқау берген», - деді Сыбайлас жемқорлыққа қарсы іс-қимыл агенттігінің 1-ші департаментінің аға тергеушісі.

Тараз қаласының №2 сотының үкімімен, А. Қырықбаевқа 2 500 АЕК (6 312 500 теңге) көлемінде айыппұл салынды. Ол өмір бойы мемлекеттік қызметте лауазымды қызмет атқару құқығынан айырылды.