Қайғылы оқиға Ескелді ауданында болған
Жетісу облысында жол-көлік апатынан бір адам қаза тапты, деп хабарлайды Azattyq Ruhy.
Облыстық полиция департаментінің хабарлауынша, қайғылы оқиға Ескелді ауданында болған.
«Алдабергенов ауылының жанындағы автожолда Toyota Prado мен Toyota Camry соқтығысқан. Оқиға орнында жеңіл автокөлікті басқарған 47 жастағы ер адам қаза тапты», - делінген хабарламада.
Жол талғамайтын көлік жүргізушісі жолаушысымен бірге аудандық ауруханаға ауыр дене жарақаттарымен жеткізілді.
«Өлімге әкеп соқтарған апатының мән-жайы анықталып жатыр», - делінген хабарламада.
Бұған дейін Ақтөбе облысында жол-көлік апаты салдарынан екі жүргізушінің қаза тапқанын хабарлаған болатынбыз.