Павлодар - Астана тас жолында жол апатынан бір әйел көз жұмды
Тағы төрт адам ауруханаға түсті
Павлодар - Астана жолында көліктен түсіп кеткен әйелді басқа көлік қағып кетті. Instagram желісінде аталған автожолда жол апатына ұшыраған Toyota Estima көлігінің суреті жарияланды, деп хабарлайды Azattyq Ruhy Pavlodarnews.kz-ке сілтеме жасап.
Облыстық жедел жәрдем станциясының мәлімдеуінше, жол-көлік оқиғасы 18 наурыз күні Қалқаман кентіне жақын маңда болған. Шақыру сағат 00:32-де түсіп, жедел жәрдем 10 минутта жеткен.
«Бізге берілген ақпарат бойынша автокөлік жол үстінде болған әйел адамды соғып, одан кейін жол жиегіндегі қоршауға соғылған. Оқиға орнында қызметкерлер 35 жастағы әйелдің көз жұмғанын анықтады», - деді жедел жәрдемде.
Сондай-ақ оқиға салдарынан 23 және 54 жастағы әйел адам мен 27 және 33 жастағы ер адамдар түрлі жарақаттармен Павлодар қалалық №1 ауруханасына жеткізілді.
