Атырау облысында жол апатынан екі адам қаза тапты

Қайғылы оқиға Индер-Сағыз тасжолының 83-шақырымында болған

Фото: Атырау облыстық ПД баспасөз қызметі

Атырау облысында қайғылы жол-көлік апаты болып, екі адам қаза тапты, деп хабарлайды Azattyq Ruhy.

Облыстық полиция департаиентінің хабарлауынша, адам өлімімен аяқталған оқиға 18 ақпанда Индер-Сағыз тасжолының 83-шақырымында болған.

«Сағат 21:30 шамасында УАЗ мен Toyota Ipsum көлітері бетпе-бет соқтығысқан. Оқиға салдарынан УАЗ көлігінің 1963 жылы туған жүргізушісі мен Toyota көлігінің 1962 жылы туған жолаушысы қаза тапты. Шетелдік көліктің екінші жолаушысы түрлі дене жарақатымен Индер аудандық ауруханасына жатқызылды», - делінген хабарламада.

Қазіргі кезде тиісті сараптамалар тағайындалып, оқиғаның мән-жайы анықталып жатыр.

Мақалада

#Атырау облысы #жол апаты #адам өлімі #қайғылы оқиға #Полиция департаменті

Алдыңғы жаңалық

Алматыдағы жантүршігерлік жол апаты: екі адам жансақтау бөлімінде жатыр